قال يحي – خير ف اى
– خير يا بيه انا بس جيت اديك خبر ان الانسه روح جت وشوفتها راحت للأوضه الى كانت قاعده فيها هى والست نوال
– تمام روح انت
– حاضر
قالت كوثر – بردو عملت الى فى دماغك ورجعتها
– مجبرتهاش على حاجه هى الى تحميت وكرامتها عايزه ترجع الفلوس
– وهو انت دفعت فلوس المستشفى لامها كده ولا انت كنت ناوى على حاجه فى المقابل
– حاجه زى اى
– اسألك سؤال انت رجعتها هنا لى
– اندمها
– ندم اكتر من كده .. انت رجعتها وشغلتها عندك عشان عاوزها تبقا معاك .. وحتى تكاليف المستشفى الى انت دفعتها من نفسك لانك كنت عايز تساعدها وعشان متخلهاش تبيه أعضائها زى ما كانت روح ناويه …. متستغربش لانى عارفه كل زيك بظبط
سكت يحي ومردش مسكت ايده وقالت – ده صح ولا انا غلطانه .. انا عملت كده ندم ولا … حبيتها
وهنا ابتسم وقال – ندم وحبيت … حب اى بس انتى اكتر واحده عرفانى والندم عاوز مشاعر تفتكرى واحد زى عنده مشاعر
قال اخر جمله بحزن خفى قالت كوثر – دايما قادر تخدع الى قدامك بكلامك وان فيك قسوه تهد جبل بس مجرد كلام وانت مش كده …. احنا كلنا عندنا مشاعر
بتحركنا بس هى اتطفيت عندك بدرى .. وكفياك تلبس وش مش وشك عليا .. لانى قادره اشوف يحي الى محدش يقدر يشوفه غيرى ومحدش يعرف انه موجود اصلا
ابتسم ابتسامة خفيفه ومال براسه على رجليها قال
– اوقات بسأل نفسي انا عملت اى عشان تكونى امى وموجده فحياتى