ابتسم عمرو وقالها بس:
لا اجدعني بقي كدة عشان اشوفك مترقية في اقرب وقت ،، انا عارف انك شاطرة وهتقدري تثبتي كفاءتك في اقرب وقت
ابتسمت حور علي كلام عمرو ودعمه ليها واستغربت اهتمامه كمان بتفاصيلها وقالتله :
متشكرة اوي علي دعمك ليا،، بس انا عارفة نفسي يعني مش ب
عمرو كان باصص لحور باهتمام ومستنيها تكمل بس لاقاها فجأة سكتت وبان علي ملامحها الحزن وعنيها مش في عيونه دي باصة وراه فاستغرب وبص وراه هو كمان عشان يشوف ايه اللي ضايقها ولقي شريف اخوه داخل القاعة وفي ايده بنت فغمض عينه عمرو بصة وحزن واتأكدت شكوكه وهيا ان حور بتحب شريف اخوه فلف وشه تاني وبص لشكلها اللي بان عليه الحزن والوع اللي اتجمعت في عيونها وفضل متابع تعابير وشها بقلب مكسو*ر وخيبة امل
في الانسانة الوحيدة اللي ملكت قلبه وكان مستني اللحظة اللي تكون فيها ملكه و لقي حور بصت لخالتها نادية اللي قالت لزينب وهيا شايفة شريف جاي عليهم بالبنت دي :
انا معرفش يا زينب ،، الواد متبت فيها كدة ليه والبت اصلا باين عليها انها مش زينا وغلوبت انصحه ومفيش فايدة،، برضه مصمم عليها
زينب وهيا بتغمز لنادية :
طب خلاص بقي يا نادية،، قفلي عالموضوع الواد جاي علينا ولما نروح نبقي نتكلم براحتنا ،، وبعدين ابتسمي كدة في وشها عشان خاطر ابنك طالما عاجباه خلاص متعقديهاش
نادية بصت لحور بقلة حيلة لانها عارفة انها بتحب شريف وقط*ع نظراتها شريف اللي دخل عليهم بابت وهو بيقؤل :
معلش اتاخرت عليكم ،، احم اعرفكم دي داليا ودي امي يا داليا وخالتي واخويا عمرو وبنت خالتي حور