واد انت متنقطنيش ،، اكبر منها ايه ان شاء الله ،،ده هما عشر سنين عُمي ،، المهم يلا انا حضرت الغدا ،، نتغدا بسرعة ونلبس عشان نروح خطوبة بنت عمتك
شريف وهو بيخبط علي جبينه بصة :
يا نهاري ده انا نسيت خالص ،، وانا عندي مشوار مهم مش هعرف الغيه ،،
نادية بصتله بسخرية وقالتله :
مشوار مهم يا بن بطني ولا رايح تقابل البت الملزقة بتاعتك
شريف بص لامه بطرف عينه وقالها :
احم ،، ما انتي عارفة كل حاجة بقي يا نادية ،، بصراحة كدة انا كنت مواعدها هخرجها
نادية بصة :
نادية كدة حاف ،، طب هعديها بس اللي مش هعديه يا شريف جملة انك مواعدها هتخرجها دي ،، ي افهم اللي تتكلم مع شاب خرج معاه كمان من ورا اهلها متبقاش متربية ،، عشان لو متربية وبت اصول مش هتعمل كدة وهتقؤلك انت عارف بيت اهلي اطلبني منهم ،،اسمع يا شريف ،،
شريف :
يوووه بقي يا ماما ،،الكلام ده كان زمان ،، دلوقتي البنات كلها كدة وبيبقو متربيين برضه علي فكرة
نادية وهيا بتضحك بسخرية :
ده بيتهيألك يا قلب امك ،، البنات المحترمة والمتربية كتير بس للي يدور علي بنت الحلال،، لكن اللي زي النوع اللي معاك دي كتيير وعلي قفا مين يشيل ،، وبعدين ما حور اهي ،، أدب بأخلاق قول للقمر قوم وانا اقعد مطرحك
شريف وقر*ف :