اايوة هيا دي الطريقة الوحيدة ،، حضرتك هتروح تكلم نادية قؤلها انك هتخطبني وانا بقي هوافق ووقتها بقي نبتدي نحط خطة ازاي نخلي كل واحد فيهم يغير علينا ويعرف اننا كنا فرصة وضاعت من ايديهم وبعد كدة يجو ييتأسفو واحنا نسامحهم وبعدين بقي ايه كل واحد فينا يرجعله حبيبه ،، ها ايه رأيك؟
عمرو بص لحور بصة وقام وهو بيقؤل :
اانتي مجنونة وعقلك بايظ
حور قامت بسرعة ولحقت عمرو ووقفت قدامه وهيا بتقؤله بترجي :
ااسمعني بس يا عمرو بليز ،، دي لعبة بريئة الغرض منها اننا نرجع كل حد لمكانه المناسب ،، عشان خاطري يا عمرو ساعدني ارجوك ،، انت اخر امل ليا
عمرو بص في عيون حور بحزن وقلبه كان بيو*جعه اوي ،،ازاي حبيبته تطلب منه يساعدها عشان ترجع حبيبها ومين ده اخوه ،، غمض عيونه عمرو وهو بيقؤل بتنهيدة كلها حيرة :
ماشي يا حور موافق
حور سقفت بس وقالتله بابت :
ميرسي يا عمرو ،، بص هنبدأ من بكرة زي ما اتفقنا ،، نساش تفاتح خالتو نادية بسرعة
عمرو حرك راسه بموافقة وقالها بقلة حيلة :
لما نشوف اخرتها مع ده يا حور
تاني يوم كانت نادية قاعدة بتبص لعمرو وة ومش عارفة ترد فقالها عمرو باستغراب:
مالك بس يا ام عمرو ساكتة ليه ،، ومقولتليش يعني ايه رأيك في حور بنت خالتو
نادية اترت لانها عارفة ان حور بتحب شريف واكيد مش هتوافق علي عمرو فبصت لعمرو وردت بهدوء :
والله ي حور زينة البنات ويبقي يوم ال يوم كون من نصيبك،، بس يعني انا بقؤل انها لسة بتكون نفسها وحياتها فنصبر شوية و
قاط*عها عمرو وهو بيقؤل باصرار :
لا يا امي حور كبرت خلاص ولو علي شغلها فانا مش ممانع وياريت بقي نطلع انهاردة لخالتي ونطلبها منها ،،وبص عمرو لشريف اللي كان قاعد متابع الحوار وساكت وقاله بغموض :