زين بجدية قلع دبلته تحت نظرات التعجب من عاصم والخوف من مى
زين
– انا مش عايز اكمل فى الخطوبة دى
عاصم بعصبية مفرطة
– هى لعبة هو ايه اللي مش عايز اقدر اعرف ليه
بصيت مى لزين بخوف شديد من انه يقول لابوها حاجه وهى بتتشاهد على نفسها
زين
– تقبل على بنتك تتجوز واحد مبيحبهاش
اخدت نفسها واتنهدت براحة
عاصم بغضب
– والله ودا من امتى مش دى مى اللى كنت كل شوية تقولى اقرب معاد جوزاى بيها عشان مش قادر اعيش من غيرها دلوقتي جاى تقولى مبتحبهاش
زين
– كنت دلوقتي عرفت انى كنت فاهم مشاعري من ناحيتها غلط وانى مش عايزاها
وقف عاصم وبصله بغضب واتكلم بعصبية مفرطة
– هو لعب عيال انت مدرك انت بتقول ايه اعقل يا زين وفكر فى الموضوع
زين
– انا اسف يا عمى بس انا دلوقتي راجل متجوز وبحب مراتى وانت اكيد مش هتقبل ان بنتك تتجوز واحد متجوز ربنا يعوض مى باللى يستاهلها
عاصم بغضب وعصبية مفرطة
– انا اللى غلطان أنى امنت على بنتى انها تبقى مع واحد شبهك واحد مريض نفسى قلبه قاسى مفيهوش رحمة كنت المفروض اسمع كلامها من الاول ومخليهاش تتجوزك قوم امشى اطلع برا مش عايز اعرفك تانى انت لا ابن اخويا ولا اعرفك وانا اصلا ميشرفنيش ان بنتى تبقى مع واحد شبهك
بصله زين بحزن شديد فهو بيحب عمه جدا وبيعتبره ابوه التانى وقدوته فى الحياة لان عمه هو اللى رباه بعد ما والده اتوفى وهو السبب الاساسي فى اى نجاح حققه زين
عاصم بعصبية
– ايه اللى مقعدك قولتلك امشى
زين بحزن
– انا اسف يا عمى سامحنى
عاصم
– كله الا بنتى يا زين كله الا مى انا اكيد مش هقف اسقفلك وانت بتوجع قلبها
مى بحزن
– بابا أنا
عاصم بمقاطعة راح عندها وحضنها بحب