مى ببكاء وخوف شديد
– جاى ليه اكيد هيقول لبابا كل حاجه روحت فى داهية روحتى فى داهية يا مى اعمل يا رب اعمل ايه
عاصم بجدية
– ايه اللى مصحيكى لحد دلوقتي يا مى
مى بتوتر وخوف
– مفيش يا بابا بس مش جايلى نوم
عاصم بصرامة
– طب ادخلى غيرى هدومك دى وانزلى زين تحت
مى بخوف شديد وتوتر
– هو هو جا جاى دلوقتي ليه
عاصم بتفكير
– مش عارف هنعرف دلوقتي ادخلى انتى بس غيرى هدومك والبسى الطرحة على شعرك وانزلى
مى بتوتر
– تم تمام
نزل عاصم للاسفل لاقى زين قاعد على الكرسى وباين عليه الحزن
عاصم
– خير يا زين يبنى قلقتنى
زين بهدوء عكس ما بدخله من بركان
– خير يا عمى هى مى نايمة
عاصم
– لا صاحية ونازلة اهى
نزلت مى بصلها زين بغضب مفرط وسرعان ما اتحول للبرود الشديد خافت مى بشدة من تعبيرات وشه حسيت انها خلاص هتنتهى دلوقتي
عاصم بجدية
– تعالى يحبيبتى اقعدى
راحت قعدت جنب عاصم بخوف شديد
عاصم
– هاا يا زين اهى مى نزلت اهى كنت عايز ايه بقى