بخوف شديد
– لا بالله عليك متودنيش عندهم بالله عليك
بصلها باستغراب: ليه
بصيت فى الأرض بأحراج حس انها مش عايزة تتكلم
: تمام تعالى اركبى
: هنروح فين
: اما نوصل هتعرفى
كانت خايفة فى الاول بس ركبت لان مقدمهاش حل غيره
فى العربية
: وانتى بقى ايه اللي يخليكى تروحى شقة فى عمارة فى وقت زى دا
حسيت انه بيتكلم بسخرية وانه بيشك فيها بدأت تسترجع ذكرايتها ودخلت فى دوامة من البكاء بصلها بقرف وهو بيفكتر مى
: ايه دوستلك على الجرح
اتكلمت بعياط هستيرى
: حرام عليك كفاية عليا اللى بيحصلى بلاش تبقى انت بكلامك عليا
بصلها بعصبية مفرطة
: انتى هتعملى فيها الشريفة عليا دا انا جيبك من شقة مفروشة كنتى بتعملى ايه مع شاب بعد نص الليل بتصلوا مثلا
بصتله بغضب واتكلمت بعصبية
: نزلنى
تجاهلها وكمل فى طريقه
اتكلمت بصوت عالى جدا
: بقولك نزلنى نزلنى هنا انت ايه مبتسمعش
فرمل العربية بغضب كبير جت تفتح الباب لاقته مقفول
: افتحه
فتحه وهو مستعربها وفى نفس الوقت متعصب منها نزلت من العربية و راحت قعدت على كنبة كانت محطوطة فى الشارع بصيت للارض بحزن كبير و دموعها
مش مفرقة عينها فضلت تبكى بشدة بصلها باستغراب وساق عربيته ومشى
ياسمين ببكاء شديد
: يا رب كل الناس مفكرين مش كويسه كلهم بيتخلوا عنى بس انا عارفة انك اكبر من الكل وانك اكبر من حزنى و من الظلم اللى بشوفه
وقف فى نص الطريق حس ان قلبه وجعه ومش عارف السبب صورتها جت قدامه وهو سايبها بتعيط لف بالعربيه بسرعة ورجعلها راح قعد جانبها واتكلم