مروان شدها من ايديها وحطها عالسرير..نامي هنا ومتتحركيش انتي نسيتي الدكتوره قالت اي
حياة..يعني انت هتنزل كدا…
مروان..اه عادي خليكي هاجي علطول…وجاي يمشي مسكت حياة ايدو…
حياة..تعالي هنا مش هتنزل كدا بلبسك كدا
مروان..مش فاهم مالو لبسي
قامت حياة قفلتلو زراير القميص لانو كان مفتوح لحد صرتو..كدا عيب مينفعش تنزل كدا ..وكانت مقربه منو شم ريحتها حس باستمتاع وقال لنفسه..غيرانه عليا من فتحت القميص اومال لو عرفتي اللي بعملو كل يوم هتعملي اي…بس قمر اوي بجد….يخربيتك كنتي مستخبيه عني ازاي
وبعد ما قفلت كل زراير القميص خبطت علي كتفو..كدا تقدر تنزل
مروان..بس مقفول اوي كدا
حياة..طب ابقي افتح زرار منهم كدا وربنا هزعلك
مروان جاي يتكلم لقا نفسو سكت مره واحده وقال..حاضر ….ضحكت هي وهو سابها ونزل وايدو كانت عالزراير لكن مفتحهمش وجاب الفطار وقابل أمة……..
الام..اي حياة عامله اي…..
مروان..تعبانه شويه ..ونا هطلعلها الفطار….
الام..ومالك قافل الزراير كدا لي..وجاي تفتحلو اول زرار وسع ايديها
مروان..انا كدا مرتاح..انا طالع…
الام..اول مره تقفل الزراير كدا..واول مره تنزل المطبخ اصلا…
سكت مروان كدا وبصلها بابتسامه وسابها وطلع….انصدمت الام منو وطلع هو لقاها نايمه عالسرير زي ما سابها
وبدأو ياكلو هما الاتنين…
حياة..مروان..ممكن اطلب منك طلب
مروان..اطلبي يبنتي….
حياة..انا جبت كلية اعلام….ممكن ادخلها بقا عشان جدي قالي لما جوزك يوافق
مروان ببرود..لا
حياة..لي يمروان…عشان خاطري…نفسي اكمل دراستي
مروان..مش فاهمك..لي يعني هتشتغلي بعدها