لتطرق حوريه وتهتف… يا لؤلؤ انا عارفه اني عبئ عليكي بس والله غصب عني انا حد ضعيف وغلبان.
لتهتف لؤلؤ.. بس ابت هو ايه اللي عبئ انت هبله.. انت رقيقه وبسكوته ماينفعش تتمرمطي انت ملكه تتشالي عالراس.
لتهتف حوريه… ملكه ايه بس وانت ذنبك ايه.
لتقف لؤلؤ… ربنا خلقني قويه اعمل ايه اكفر بالنعمه كنا هنبقي الاتنين خيبانين.. اسكتي دانا النهارده واكله دراع واحد هجمت عليه طينت عيشته.
لتشهق حوريه… نهار اسود اتجننتي.
لتهتف… اعمل ايه كان عايز ياكل حقي و يلبسني طلبيه طلبها َمش عايز يدفع بس علي مين كلت دراعه فدفع.
لتهتف حوريه…. نفسي ابقي زيك.
لتضحك لؤلؤ… ماهتعرفيش يا قطتي انت سوسو خالص عسليه روبونزل القمر انت رقيقه وحساسه وتتلفي في حرير بس نفسي تنشفي شويه الا البت الزرقه اللي اسمها نوسه غيظاني .
لتتنهد حوريه.. مالها طيب لسه زعلانه منها.
لتصرخ لؤلؤ.. انت معاقه واحده خانتك وطلعت عليكي كلام وحش وهانتك قدام الخلق وسكتيلها زي المتخلفين لا واللي يشل اول ما جت قدامك طبطبت عليكي سامحتيها وعايزاها تيجي وتقعد. تقعد فين دانا لو شفتها هشقها نصين من غيظي بنت الجزمه.
لتتنهد حوريه فهيا طيبه بزياده. يا لؤلؤ ماهي قالت معلش خلاص اعمل ايه يعني.
لتهتف لؤلؤ.. تعملي.. العمليه شالتها تبهدليها وتقطعي علاقتك بيها.
لتتنهد حوريه.. مابعرفش يا لؤلؤ مانت عارفه مابعرفش غير اني اسامح. اول ما حد يقلي معلش بيصعب عليا وقلبي يوجعني. ماتحملش ازعل من حد.
لتتنهد لؤلؤ.. عارفه يا غلبانه السنين.. يا رب اعمل ايه واحده هبله وبتسامح علي روحها وواحده بتعض في خلق الله.. يلا يلا بقه عشان ناكل..