تبقي خايفه وعايشه خايفه وتنزوي ماتقربش من حد. اختي بقت طفله مابتعرفش تتعامل مع حد ياللي ماهتشوفو رحمه ربنا. طب ايه انتو ليه ظلمه ايه كل هامك ابن ابنك والتار طب واحنا مافكرتش بناكل منين. عيله عندها ستاشر سنه تنزل الشارع تصرف عليها وعلي اختها الغلبانه اللي عملتوها غلبانه يا ظلمه. امشي في الشوارع ابيع شربات واحزمه وده يلمس وده يحسس عشان ارجع بلقمه لاختي وليا.. اتطرد من هنا وهنا عشان ماحدش يلمسني وافضل شريفه انا
لحد دلوقتي مش عارفه مابعتش شرفي ازاي بجد حافظتلكو علي شرفكو والكلاب في الشارع بتنهش في لحمي. انا لؤلؤ اللي بقلك اهه انتو عيشتونا ايام سوده عيله ستاشر سنه مسئوله من اختها بقيت انا الكبيره شيخت قبل اواني قولولي ذنبي ايه ماعيش زي البنات ذنبي ايه اني انزل في الشوارع في عز البرد ابيع اي
حاجه. عارفه يعني ايه انا شيلت زباله عشان اكل واكل اختي دنا جه عليا ايام كنت بمثل اني كلت برا عشان اختي تاكل ليه عملنا ايه.
والاخر جايين تاخدونا وقلت خلاص يا بت الامان جالكو جدك هيشيلكو في عنيه وحوريه نامت لاول مره ماتتنفضش في حضنك. انت ازاي كده تنيميها في حضنك ليلتها وتصحي تبيعيها ليه ايه كلاب احنا كلاب والله لو كلب كتو حنيتو عليهم حسبي الله فيكو فوضت امري لله فيكو يا ظلمه.
لتنهار من البكاء واختها تنتحب ايضا كان الجد يقف يشعر بالعار والجده تنتحب وجاسر يشعر بوجع ينغز انفاسه اما ليل فكانت عيونه لا تفارق تلك التي تلتصق باختها لم يتخيل مدي المعاناه التي عانوها.
لتهتف مره اخري.. ارجعي يا تيته ماطرح ماجيتي احنا اتبعنا خلاص ومتنا انا واختي متنا. سيبيهم يتجوزو ويفرحو مالنا بيهم من اساسه مقهورين علي ايه كده
كنا اشتكينا ليكو لتمسك اختها وتذهب الي بدران الذي يقف متاثرا.. انت الكبير هنا يا حاج واحنا اتنين بنات غلابه مالناش حد لا لينا اهل ولا عيله وواقعين في عرضك لتذهب اليه َلتقترب منه ارحمنا يا حاج انتو مش عايزينا خدو التار بعيد عننا او سيبونا شهر اتنين وارمونا بره حياتكو احنا لا ده حياتنا ولا ده مكانا.. اعمل ثواب في بنتين شافو سواد ماحدش شافه.. هتقعدنا ليه يا حاج هتعمل بينا ايه هيفرحو ولادكو بينا مثلا ماوعيتش يا حاج لللي حصل امبارح ضرب وَاهانه و شتيمه دي خلقه ربنا يا حاج تتهان كده. ليه عملنا ايه. طب لو مانفعش مشي اختي بالله عليك وسيبني اعملو ما بدالكو ان شالله تموتوني بس مشوها اختي
مابتستحملش يا حاج الله يستر اصلك.. لو عايزني اترجاك واترجاكو كلكو هعملها لو عايزني ابوس ايدك هعملها انا عملت لاختي كتير انا عشت عشانها وماحدش يلمسها ولا يمسها اختي عايشه خايفه عمرها ماحست بالامان جوزها مش عايزها يا حاج. جوزها عايز يعيشها بقيت عمرها خايفه.. انا استحمل انا اعملو مابدالكو بس اختي لا… انا واقفه هنا عارفه اني ماليش حد وبلمس جواك اصلك الطيب بيقولو ان الصعايده يعرفو الخير والاصل ترضاها لبناتك يا حاج. لتشد اختها لتنزل