سامي : بقولك ايه يا فاطومه هو لو أنا عايز اعترف لبنت بحبي أعمل إيه
فاطمه بصتله بدق قلب وكانت خايفه يحب غيرها
نسيت صح اقولكو إن فاطمه برضو بتحب سامي بس مقلتش ليه علشان خايفه ميكونش بتحبها
فاطمه بقلق : ليه وإنت بتحب مين
سامي بسرحان فيها وحب : بنت زي القمر بشوفها قلبي بيدق وببقي مش علي بعضي وبتمني إنها تبقي مراتي من أنهاردة قبل بكره
فاطمه بدموع متحجره : للدرجادي
سامي : واكتر كمان انا مهما اقولك علي مشاعري ليها مش هتصدقي ها بقي اعمل ايه بما انك بنت وكده
فاطمه كانت بتقاوم دموعها : شوف هي بتحب ايه واعملو
سامي : طب قولي إنتي أعمل إيه يعني انتي مثلا بتحبي ايه
فاطمه : أنا مثلا بحب الورد الاماكن الهاديه البحر كده يعني بس مش كل البنات زي بعضها في بنات كده وفي بنات كده. سامي بسعاده : خلاص أنا كده عرفت أنا هعمل ايه بعد اذنك يا طمطم وخرج من البيت
فاطمه بصتله ودموعها نزلت : كان نفسي تحس بيا يا سامي إنت متعرفش أنا بحبك ازاي ربنا يخليها ليك ويخليك ليها ويجمعكو علي خير
عند كريمه كانت قاعده في اوضتها بتتكلم في التليفون