ايمن : طب إيه علاقة الجوكر بناصر دول بنهم عداوه جامده
يونس حط أيده علي دماغه : معرفش بس يا خوفي ليكونو هناك
ايمن :قصدك ممكن في
يونس : روسيا
في بيت كبير في روسيا كانت ياسمين نايمه علي السرير وكانت بتبتدي تفوق فاقت ياسمين لاقت نفسها في اوضه غريبه كلها بيضه بس مش اوضه مستشفي بصت حواليها وهي بتبلع ريقها بصعوبه وحاولت تقوم بس دراعها واجعها رجعت تاني مكانها سمعت صوت من قدامها بيقول : حمد الله على السلامة يا قمر
ياسمين استغربت ورفعت عينها علي إللي بيكلمها لاقت شاب لابس بالطو اسود ولبس كله اسود في اسود خافت وقالت : انتي مين
الشاب قام وقف من علي الكرسي وقرب منها وقال بصوت واطي : الجوكر
ياسمين بأستغراب : مين الجوكر وياتري بقي جوكر كوتشينه ولا كارتون
الجوكر ضحك بصوت عالي : ههههه دمك خفيف جدا علي فكره لا يا عسل ولا كوتشينه ولا كارتون حاجه أحسن من كده وارقي
ياسمين بصتله من غير ماتتكلم قرب منها وقال : ممكن أكون جوكر مافيا مثلا
ياسمين بصدمه : يا حلاوة مافيا بردو هو إنت تعرف حد إسمه ناصر
الجوكر بضحكه خبيثه: اعرفو الا اعرفو جدا بس ناصر دلوقتي بقي كارت محروق وبقي مع البوليس أنا أكبر منو بكتير هو يادوبك بيعرف يشقط بنات بس أنا أكبر