حبيبة: بس دة بيتنا واوضتي مش بعرف انام الا هنا
حلا: ياجدو متحملش همنا احنا نفضل هنا وانت زي ماانت تحت واحنا برضه جنبك
بقلم مرفت السيد
الباب خبط فتحت حبيبة كان عدي
دخل عدي سلم عالكل والجد قاله: كويس انك جيت احضرنا بقى
وقص عليه الموضوع وختمه بقوله: رأيك ايه
عدي بعد تفكير سريع: اخاف رأيي يضايق حلا او تعتبره تدخل مني
حلا: لأ بالعكس محدش ساندنا غيرك انت ونعم الاخ وعمري ماهنسالك وقفتك ورايك بأي شأن يخصنا مرحب بيه
عدي ابتسم ولكن بحزن من كلمة اخويا وقال: دة شرف ليا طيب طالما كدة يبقى رأيي انكم تفضلو طول اليوم. مع جدو وتطلعو عالنوم كلكم
الكل بصو لبعضهم وابتسمت حلا والجد قال موافق
حلا: وانا كمان
حبيبه: وانا يعني مليش نفس موافقة
حلا: لو سمحت ياعدي ممطن تسأل هل يجوز اني اودع فلوس بحسابي انا وحبيبة لنفسي لاني قاصر وبابا هو الي كان بيعمل كدة
عدي: حاضر من عنيا
وبالفعل تم تنفيذ الاتفاق البنات كول اليوم هما وجدعم. تحت مذاكرة واكل وعند النوم بيطلعو واحيانا بينامو تحت بغرفة جهزهم ليهم الجد الحنون
ومنصور اتجوز واحدة زميلته ارملة مش بتخلف غلبانة كانت ست هادية وبتراعي البنات بشكل كويس ومش بتعمل مشاكل ومع مرور الوقت منال عملت مشاكل مع اخواتها وزوجاتهم اخواتها وسطوا ناس عشان ترجع ولكن منصوروشرط عليها تقبل بالامر الواقع وبعد معاناة رجعت وابتدت المشاكل ترجع ولما منصور يهددها بالطلاق تتلم وتسكت شوية
لان منصور اتغير معاها ومبقاش مهتم بيها وعاملها حساب زي زمان
بسرعة عدا الوقت وخلصت حلا الثانوية العامة وقدمت واتقبلت بكلية طب بناء على رغبة والدها
وحبيبة داخلة ثانوي عام هي ومنار
ونورا نجحت واتنقلت لاخر سنة بالثانوية العانة وماشية باستقامة
عدي اتنقل لبلد تانية وبييجي زيارة ويسافر تاني
مجدي اتخرج وفتح صيدلية والأمور ماشية بهدوء
وحلا بتسافر كل فترة مع جدها واختها تتابع سير العمل بارضها هي وحبيبة وتزور اهل امها عدا الوقت بسرعة