ليبتسم علي خجلها.. ليشدها الي صدره. لاه ماهبعدش وماهتخرجيش من حضني. لتخجل وتهمس عيب ابعد.
ليشدها علي صدره.. ايه عيبه مرتي.
لتهمس… طب لو حد دخل هيقول ايه وحبيبتك تقوم زعلانه.
ليتنهد بغلب.. حد مين اللي هيدخل مجعدي ومين دي اللي تزعل.
لتهمس وعيونها دامعه.. صابحه حبيبتك قالتلي اني هبقي خدامه. وهيا اللي مراتك. ليكلبش فيها غاضبا لتهمس. يا ليل انا غلبانه انا مش بعرف اعمل حاجه لما
تتجوزها والنبي ماتخليهاش تأذيني وتعاملني خدامه انا عمري ماخدمت. طب بص هشتغل عالنت واصرف علي روحي ولما تتجوز ماليش دعوه بيكو.
ليصرخ.. ما تنامي بقه بلا اتجوز بلا اتجطرن دا مرار ايه. منك لله يا صابحه هريتي جلب البت. ليتنهد.. مفيش كلام اكده وانت اهنه ماهيحصلش تاني.
لترفع راسها مره واحده من علي صدره لينهال شعرها عليه ووجهها قريب لتهمس… يعني مش هتعملوني خدامه وهتعامليني حلو يا ليل.
ليظل ساهما بوجهها الذي يشع براءه ليتنهد بغلب.
ليهتف مرت ليل الرفاعي عمرها ما هتبقي خدامه ونامي بقه والله اخره كلامنا هعمل مصيبه بوشك ده.
لتنكمش وتخاف.. لتهمس ايه هتضربني. والنبي بلاش انا ماعملتش حاجه.
ليشدها اليه.. ااضربك.. هو ده اللي جه في دماغك.دا غلب ايه ده هستحمل كيف دلوك. ليتنهد. لاه عمري ماهمد يدي عليكي اطمني.ونامي يلا ماعت متحمل.
لتشد نفسها بعيدا ليتنهد ويعيدها ليهتف.. بطلي تبعدي.
لتهمس مش قولت ماعتش متحمل.
ليغمض عينه يسيطر علي نفسه. لتنظر اليه. لتهمس.. خلاص ابعد ماتغصبش علي نفسك قربي كده انا مش عشان غلبانه تجبر نفسك تقرب مني لتسيل دمعه من عيونها لتهمس انا مش هضايقك بقربي انا عارفه اني قربي وحش بس بقولك اهوه ابعد لتمد يدها وتمسد علي صدره وتهمس كتر خيرك لتحاول ان تبتعد.
ليشدها اليه هاتفا وهو يسيطر علي نفسه.. انت ماهتعديش الليله الا وانت فطسانه اني عارف وهنفضح . لتنكمش خوفا ليتنهد بغلب.. اهه هتتكمش وفاهمه كل حاجه غلط اعمل ايه دلوك البت هتخلص عليا هموت ولا تخرج من حضني وكلامها ياخد العجل..
كانت هيا قاطبه خائفه.. هو عبيط يقلي ماتخافيش وبعدين يقلي هفطسك ملبوس ده.
كانت تقطب جبينها وتلعب بيدها في صدره وتغرز باصابعها لا اراديا لينظر اليها ليتنهد. طب واخرتها اني عارف ليله غابره من اولها. هيا ما بتنامش ليه. اكيد بتفكر في هبل ماهي هبله ليل الرفاعي متجوز هبله.
ليتنهد.. بتغرزي في صدري ليه طيب. ليمسك يدها ماعت متحمل الله يسترك.