ليهتف عبد الرحمن.. ايه يا ولد الاصول حد يكلم كبيره اكده يا ولدي جاي دارك.
ليهب بدران.. وسع يا ولدي حجك عليا يا عبد الرحمن انت عارف ليل.
ليهتف عبد الرحمن… احنا مستنين الحاج عابد وكبيرنا الحاج علوان وكبرات البلد.
ليبهت ليل ويقول ودول جاين ليه دلوك.
ليجد بقيه الرجال يدخلون عليهم ليجلس مهدي كبير العائلات ويضطر ليل الي ان يجلس فعلوان كلمته علي الرقاب ليهتف مهدي دلوك الكبار اتجمعو نسمع الكلام من عندك يا عبدالرحمن.
ليهتف عبد الرحمن احنا عرضنا الكفن مارضيوش يا حاج علوان يبقي هنعرض النسب واظن اكده عدانا العيب.
ليهب ليل… نسب ايه ده بناتنا ما هيروحوش في حته دا عار ده لينا.
ليهتف عبد الرحمن…. لاه يا ليل احنا بنعرض بناتنا تاخدوهم نسب الرفاعيه مع العتامنه واكده انت خدتو حجكو تالت ومتلت وبدل النسب اتنين بناتنا الاتنين ولاد سالم عيتجوزو من عنديكو ليل وجاسر.
ليصرخ ليل….. نهار اسود ومطين علي اخر الزمن اناسب العتامنه انا ليل كبير الرفاعيه ياخد بنت رفاعيه زيه بدل ماجتل واخد تاري اخد بتهم.
ليصرخ علوان… اجفل خاشمك يا ليل وبطل رط فاهم الكبار بيتكلمو.
ليهتف ليل بقهر فعلوان لا يجرؤ احد ان يتكلم او يخالف كلامه..ليهتف بقهر.. يا جدي اكتير اكده هنجلط ماهتحملش لو طولتها تحت يدي هجتلها.
ليهتف علوان… هتجتل حرمتك اتجنيت ازاي.
ليهتف ليل.. حرمتي انت عملتها حرمتي دا ايه العار ده.
ليهتف علوان… احنا الكبار لما نجول انت تسمع يا ليل والا كبرت علينا اياك.
ليهتف ليل بقهر… لاه يا جدي معاذ الله كلمتك سيف علي رجبتي.