انا ملزم ب عقد … رديت بسرعه ، مش عارف رديت
عليها بالسرعه دي ازاي ولا عارف اللي قولته ده قولته لي او ازاي
لقيت بؤبؤة عينيها اتسعت وقالت بمرح : خلاص انا هارجع
أشتغل معاكم تاني ..
ابتسمتلها وهزيت دماغي ف قالتلي :- تعالي نروح سينيما ،
في فيلم رومانسي هيتعرض لأول مره ، مكنتش هروحه عشان انت عارف ، مش بحب احضر افلام لوحدي
هزيت دماغي وسألتها : هي الهدوم اللي في الدولاب دي
بتاعتي !؟
نفخت ببقها وبعدت عني : لا بتاعت الجيران ي نور
لویت بوزي وانا بفكر :- اي الغباء اللي انا فيه ده ، مصمم افهمها اني بتعاطي مخدرات والله غبي
سابتني ودخلت الاوضه ، دقایق ولقيتها خارجه تاني وف
في ايديها هدوم ، مدتلي ايديها بيهم وقالتلي :- البس دول واوعوي تبهدلهم عشان صاحبهم میزعلش ..
بصيتلها بطرف عيني وانا بضحك وسيبتها وروحت لبست ف
الحمام ، خلصت وخرجت ، روحت افتح باب الاوضه لقيتها
مقفوله في خبطت عليها : حوور ، قافله الباب لي !؟
ردت من جوا بصوت شبه عالي :- استناني بس ، عشر دقايق
وجيالك ..
فضلت مستنیها برا علي الكنبه لحد م خرجتلي بطلتها البهيه
، كانت لابسه دریس اسود ومحتشم وبياقه ، عجبني جدا لدرجة اني لما اصحي من ام الحلم الحلو ده هجيبلها واحد زيه ..
وقفت قدامي وقالتلي وهي حاطه ايديها على خصرها : هاا
، ایي رأيك بقي !
شاورتلها بإيدي بمعني :- راااائع ??👌🏻
ضحكت وخدت نص لفه كده وانا كنت مزهول من اللی شوفته : هو الفستان کان توحفه ، قمر كده ومحتشم من قدام ، لاكن من الخلف ، مفتوح من الضهر كله …