راح دفع تمن ساعه وخدنا العجل ومشينا ، ركبت علي عجله وهو علي عجله وقولتله :_ اللي هيوصل عند الشجره دي يكسب ، قولتهاوانا بشاور علي الشجره فرد عليا :_ طب واللي يكسب
_ اممم يدي التاني حضن
هههههه موافق
ربنا وبدأنا نتسابق ، لقيته بيسبقني وانا ببدل بأقصي قوتي ، فزعلت ووقفت بالعجله ، بص وراه لقاني وقفت ف رجعلي :_ انتي كويسه !
بصيتله من فوق لتحت كده وسيبته ومشيت وانا بجر العجله ..
جه ورايا وهو عمال يقولي :_ طب حصل اي طيب ، مرديتش عليه وسيبت العجله عند الراجل ومشيت ، ركبت العربيه وانا مربعه ايدي ومقموصه ، جه ورايا
وقالي :_ حصل اي طيب !
رديت وانا لاويه بوزي :_ ملكش دعوه ..
هجيبلك شيكولاته
بصيتبه وانا بضحك :_ بجد !!
بجد ..
****
جابلي بوكس شيكولاته ، فيه شيكولاتات كتيييير خالص ، ووصلنا البيت ، خدت البوكس وطلعت علي اوضتي بسرعه وقفلت عليا
طلع ورايا بيفتح الباب لقاه مقفول فخبك عليا وقالي :_ حور ، افتحي الباب ..
وقفت ورا الباب وقولتله :_ لا يخويا ، عاوز تاخد مني الشيكولاته
يبنتي شيكولاتة اي بس انا مباكلهاش
_ لا بتضحك عليا. وعاوز تاخد مني الشيكولاته
منا لو عاوز كنت اشتريت لنفسي معاكي
_ لابرده طب اي رأيك اجيبلك مانجا !!
_ شوفت ، شوفت اهو عاوز تاخد مني الشيكولاته .
لا مقصدش ، انا هجيبلك مانجا جمب الشيكولاته
_ احلف ..
والله بس افتحي