هزيت راسي فدخلي ومدلي ايده وقالي :_ اسندي عليا
سندت عليه وخرجنا من السويت مشينا الطرقه ووقفنا قدام السلام ، كنت لسه بنزل أول خطوه لقيته بينحني وهوووب شالني ، انا من كتر الصدمه مكنتش عارفه انطق بكلمه….
نزل ليا لتحت وانا متشعلقه ف رقبته وبصاله بغرابه ، دخل بيا الجنينه ونزلني قدام استراحه ، شدلي كرسي وقعدني ونادي للخدامه :_ سهييير ، سهييير
جت تجري. ووقفت وهي باصه للأرض :_ نعم يبيه
رد عليه بحمش وقالها :_ اعملي كوباية لبن للهانم
بصيتله برفض وقولتله :_ بس انا مبحبش اللبن
بصلها وقالها :_ روحي ، اعملي اللي قولتلك عليه ….
مشيت وانا سكت وبصيت للأرض بغضب
قعد قصادي وهو بيقولي :_ لازم تشربي اللبن عشان……
بصيتله فسكت وحسيته اتوتر فقولتله :_ عشان اي !
لقيته بيقولي وهو بيكح :_ احمم ، عشان صحتك تبقي كويسه ، انتي وقعتي مني امبارح
_وانت من امتا بتهتم بصحتي ، او بتهتم بيا اصلا
طول عمري بهتم بيكي يحور
_ رديت بإستهزاء :_ هه ، ده بقي من اي ان شاء الله
من يوم م شوفتك
_انت قاسي وملكش غالي
انتي أغلي حاجه ف حياتي
_ انت غريب …
عشان بينتلك حبي ليكي !
_ لا عشان بتتغير بمزاجك ، يوم تهيني ويوم تكرمني …. يوم تإذيني ، ويوم تخاف عليا …. يوم تحبني ، ويوم تكرهني …
عمري م كرهتك يحور
_انت تعبتني معاك
تعبت أكتر منك انا بحبك