مشوفتيش بقي بيخا’ف عليكي ازاي من يوم م نقلك الطفل ، خلي الورق معاكي هتحتاجيه ..
فوقت من صداع عقلي الباطني وقومت خبيت الورقه ف
هدومي وقعدت علي السرير أستناه عدي وقت طويل وانا من الملل نمت علي نفسي ، محسيتش بحاجه غير والباب بيتفاح وهو دخل منه ب هدوء و ماشي بالعافيه ، وانا كنت عامله نفسي نايمه علي السرير ، نام علي وشه ، شویه قومت بصیت رمي نفسه عليه لقيت بقع د’م علي ضهره ، هرعت من المنظر وقومت بسرعه من مكاني ، فتحت الانوار وزحزحت التي شيرت بتاعه ب هدوء
لفوق ، كان في آثا’ر ضر’ب وكر’باج علي ضهره ، حطيت ايدي بلطف لقيته اتفزع من نومه بوجع :_ ااه
_ مالك ي نور ، اي اللي عمل فيك كده ! قولتها ب قلق ،
حاول يقوم معرفش ، وكان صوت أنينه بيعلي مع محاولاته ،
طبطبت علي ضهره وقولتله :_ ارتاح ، هشوف علبت الإسعافات وآجي ..
سيبته وقومت بلهوجه ، فتحت الباب وقولت للحارس :_
عاوزه علبة الاسعافات الاولية بسرعه
رد عليا : علبة الاسعافات ف درج البيه ي هانم ..
دخلت بسرعه قعدت ادور عليها ، لحد م لقيتها ، كان بيكابر
ويعاند وقعد يقولي :_ ملكيش دعوه بيا
ماهتمتش ب كلامه ورفعت التيشيرت ف قالي ب صراخ :_
إبعديي
أصريت أكمل اللي باعمله ، ف نضفت جروحه تحت أنينه
المسموع كل ثانيه بتعدي عليا وانا بنضفله جروحه كانت ب مثابة سنه من خو’في عليه ، او ، او منه ، من صوته المخ’يف ، او من تهد’يداته ليا وهو سكر’ان :_ لما افوق همو’تكك وآخد إبني اللي ف بطنك
يتبع…
هم’وتك وآخد إبني اللي في بطنك
بصيتله ب استغراب :_ انا مش فاهمه هو عاوز يعمل اي ،
ماله مهووس اوي كده بالبيبي ، انا فاهمه انه فرحان عشان هيبقي أب ، بس تصرفاته غريبه وذياده عن كدا اي اللي عمل كده فيه ، حطيت راسي علي كتفه ،
بالرغم من اللي بيحصل ، الا اني مبحسش بالأمان غير وانا ف حضنه
سمعت أنينه وهو بيتكلم :_ هاخده منك ، هفتح بطنك
وهاخده منك
بعدت عنه بخو’ف ، قومت من جمبه وقعدت علي الكنبه وانا
بتأمله وبفكر ف كل حاجه بتحصل معايا ف الحلم ده ، انا عاوزه أفوق مش عاوزه افضل ف الحلم ده ، نور هنا مخ’يف وهناك لطيف ، وانا كمان بفكر ف حجات
شر’یره ، معرفش بيحصلي اي وازاي بفكر فيها ..
معقوله ! معقوله دي شخصياتنا العاكسه ، يعني احنا ف عالم
إفتراضي ، كل حاجه ماشيه بالعكس
الواقع كنت انا الغنيه ، الخيال نور ، إحنا طيبين ف الحقيقه
ف الخيال شبه أشر’ار ، العالم ده مخ’يف .. كنت بفكر وانا
بصاله ، شوفت شفا’يفه بتتحرك ف قومت من مكاني براحه
وقربت منه عشان اسمع هو بيقول اي
مسكت شعري لفيته الناحيه التانيه وانحنيت عشان اسمعه