…
اتلهي ..
حاضر
ضحكنا وكل واحد مشي علي مكتبه ..
****
مشيت مع سيرين ، كنت متغاظ من حور واللي معاها لدرجة اني اتعصبت علي سيرين
مالك ي نور ، قالتها سيرين برقه وهي بتحاول تمسك ايدي
شديت ايدي من تحت ايديها وقولتلها :- مفييش
بس دا باين عليك مخنوق ..
زعقتلها وقولتلها :- وانتي دخلك اي انتي ، اتفضلي انزلي من العربية
بصتلي وعلامات الصدمه باينه علي وشها ف قولتلها ب
عصبيه : ايييي ، مسمعتييش !
فتحت العربيه بخوف ونزلت منها ، خدت تاکسي ومشيت
عدي يومين وانا ف القسم شايف شغلي هناك وبروح الشرکه من الوقت للتاني وسايب سيرين تديرها ومستني شمس تنزل علشان تمسكها، مش عاوز أشوف
حور تاني ، مش عاوز اي شيء يربطنا او يجمعنا ببعض …
هنوقع العقود النهارده ، متحمسه وعاوزه أشوفه
دخلت علي أوضتي وفتحت الدولاب اختارت أجمل فستان عندي واتصلت ب معتز عشان ييجي ياخدني
الووو
– معتز عدي عليا بعد ربع ساعه ، لالا نص ساعه خدني ف
طريقك معلش علي م اتعلم السواقه
رد عليا بخبث : أعدي عليكي ، امم مش عشان تخلي نور
يغير ، تؤ تؤ عشان مبتعرفيش تسوقي
قالها وهو بيضحك المستفز ف قولتله : معتتتتتاااااز ..
****
کنت ف المطار باستقبل شمس ، بصيت لقيتها جايه من بعيد ف قدمت عليها لقيت سيف جاي وراها ، ف وقفت مكاني لحد م وصلو عندي
حضنتها : حمدلله علي سلامتك يحبيبتي
سلمت علي سيف وقولتله : حمدلله علي السلامه
انا حكيت لسيف علي كل حاجه ي نور و…. قالتها شمس ف سكتها وانا بقولها : مبقاش ليه لازمه الكلام ده دلوقتي ، كل حاجه بيني انا وهي خلصت
انا مش هبررلها حاجه ي نور بس انا متأكد أن لو الموضوع
امي داخله فيه في أكيد حور مخبيه عنك حاجه .. قالها سيف ف
رديت عليه : الموضوع مبقاش يهمني ، احنا قريب هنطلق وكل واحد يروح لحاله …
****
نزلت من أوضتي لقيت مروه قاعده في الصاله بتفطر واول م شافتني بصتلي بحقد وقالتلي : علي فين العزم ي حلوه ..
بصيتلها بطرف عيني وسيبتها ومشيت ، وقبل م اخطي برا باب القصر لقيتها بتقول : لو الاملاك دي متكتبتش ب إسمي ، قولي علي حبيب القلب یا رحمان ي رحيم ..
جزيت علي سناني وانا مدیاها ضهري وقولتلها وانا بلفلها
ببرود :- هو انت فاهمه انك ممكن تهددیني بیه ، من يوم م دوقت طعم العز وانا مش عاوزه حاجه غيره ، اكيد مش هسيب كل ده يعني واروحله ..
سيبتها ومشيت تحت زهولها ، خرجت من القصر لقيت معتز
قدام البيت في ركبت معاه ، سندت علي الشباك وشردت في تفكيري
*فلاش باك *
ادخلي ي حور ، تعالي ي بنتي