سميرة وطت علي ايد بنتها وباستها / خلاص بقي قلبك ابيض يا حبيبتي ..
منال / طيب طيب سامحتك .. روحي بقي اعملي انتي غدا انهارده ..
سميرة / بس انا مش بقدر اقف كتير عشان الرويزم .. ما انتي عارفه يا بنتي ..
منال/ طيب طيب خلاص .. هقوم انا وأمري لله .. ربنا يريحني من الهم ده بقي ..
منال قامت وسابت امها زعلانه اوي وبتدعي ان ربنا ياخدها عشان متقلش علي بناتها اكتر من كده ..
اليوم خلص واخر الليل كانت منال قاعده في اوضتها بتكلم اختها نيفين ف التليفون ..
منال / انا مبقتش طيقاها يا نيفين دي كل يوم والتاني تعمل لي مشكله
مره توقع طبق ته مره ت كوبايه مره تبهدل ..
انا زهقت وكلمتها مليون مره برده مفيش فايده ..
نيفين / والله يا بنتي انا فاهمه اللي انتي فيه ما هي كانت كده عندي برده
لحد ما جوزي حلف عليا انها خشش البيت تاني اعمل ايه طيب ..
منال / خلاص نكلم هند تاخدها عندها شوية .. انا مبقتش عارفه اخد راحتي مع جوزي خالص ..