اسماء .. هو انت نسيت ان في سورة في القرآن بأسمنا !! احنا زيكم بالظبط فينا الكويس والوحش والمؤمن وغير المؤمن .. فينا الظالم والمظلوم والجاني والمجني عليه .. المخلص والخاين .. فينا اللي بيحبكم اوي لأنكم خلق من خلق ربنا وربنا كرمكم واعزكم وجعل منكم الانبياء والرسل بس للأسف انتم اللي اهنتم
نفسكم .. خسارة بجد …تسمحلي امشي ؟
رجب .. هتروحي فين ؟!!
اسماء .. ارجع مطرح ما جيت .. ومتنساش اليتامي اللي وصاني عليهم المرحوم صلاح والاعمال الخيرية اللي كان بيعملها
رجب .. مش هشوفك تاني ؟!!
اسماء .. اكيد بس لما يكون في فرصة نتقابل تاني
رجب .. خلي بالك من نفسك
اسماء .. انت اللي خلي بالك من نفسك .. انا اقدر اصرف اموري كويس .. الله يكون في عونك .. الوداع
رجب .. مع السلامة
وفجأة تختفي اسماء او دبسيس وتترك الفستان الابيض والحذاء الابيض علي الارض ليأخذهم رجب وهو عيناه تدمع من الحزن ويحتفظ بهم ليتذكر هذا الموقف الذي لا ينسي . واختم بقول الرسول الكريم صلوات ربي وسلامه عليه .. الذنب لا يبلي والبر لا ينسي والديان لا يموت .. ان لم تستحي فافعل ما شئت فكما تدين تدان .. انتهت قصتي ولم تنتهي محبتي .. تحياتي الكاتب المصري محمد مالك.