والخيانه استجابت بسرعة ل متولي اللي فضل وراها لحد ما اقنعها انها تتخلص من الحج صلاح عشان يتجوزها وهو في الاساس كان كل همه ان يستولي علي المحل اللي هتورثه من بعده لان الحج صلاح كان متجوز قبل كدا ومراته ماتت ومخلفش منها اولاد .. وتمر الايام ومع كتر الزن والوسوسة سمعت ثريا كلام متولي
اللي وعدها بوعود مزيفة واتفقوا انهم يخلصوا منوا بأن هي تقتلوا وهو نايم وهو هيتخلص من الجثة .. وفعلا انتهزت ثريا ان جوزها كان نايم وطعنته بالسكين في بطنه وبسرعة امر متولي رجالته انهم يتخلصوا من الجثة فحطوها جوة صندوق وطلعوا بيها علي حتة الارض الفاضية اللي انت شفتها ودفنوه فيها
رجب .. الارض اللي مفروض حواها اثار؟!!
اسماء .. اها .. بس متولي مكنش يعرف بكدا .. او بالتحديد مكنش يعرف ان رجالته دفنوا الجثة جوا ارضه
رجب .. ولا الف ليلة وليلة !! كملي من فضلك
اسماء .. المهم .. بعد ما دفنوا الصندوق اللي جواة المرحوم صلاح في باطن الارض وسابوه ومشيوا .. انا كنت بلعب مع اختي كالعادة والمره دي اخترنا نسابق بعض جوة بطن الارض .. متنحش .. احنا جن نعمل اللي انتم متقدروش عليه كبني آدمين .. هههههه.. بس وانا بجري جوة بطن الارض لمحت الصندوق
فأستعجبت فأخدني الفضول اعرف ايه اللي جواة فقربت منه بحرص طبعا ليكون جواه حاجة تؤذيني .. وانا بقرب سمعت صوت حد بيتألم جوة الصندوق ولما بصيت لقيت الراجل الطيب ده غرقان في دمه وبينازع الموت .. صعب عليا جدا فقربت منه وسألته .. انت مين ؟!! ومين اللي عمل فيك كدا ؟!! فحكالي القصة