رجب .. علي فكرة كنت حاسس بده من اول مرة قابلتك فيها .. لا شكلك ولا افعالك توحي بأنك انسية ابدا
اسماء .. بس متخفش مني .. انا مؤمنه زيك ودايما في صف الحق وعمري ما أذيت حد الا وكان يستاهل
رجب .. زي متولي وثريا .. صح ؟
اسماء .. ايوا .. دول كانوا يستاهلوا اللي اتعمل فيهم
رجب .. هما عملوا ايه بالظبط ؟!! وايه علاقتك بالراجل ده ويقصد الذي داخل المقبرة ؟!! وبعدين انتي ازاي جنيه وفي نفس الوقت اخت ثريا !! وثريا دي انسية ؟!! لا انا اتلخبطت ومش فاهم حاجة !! فهميني ارجوكي
اسماء ..الراجل ده يبقي ابويا
رجب يتعجب بشدة ويبدوا ذلك علي وجهه
اسماء .. متستغربش .. لأنه فعلا كدا
رجب .. ازاي ابوكي !! وانتي جنّيه وهو انسي !!
اسماء .. يعني مش ابويا بالظبط .. بس اتعلمت منه حاجات حلوة كتير ماتعلمتهاش من ابويا الحقيقي اللي من نفس جنسي من عالم الجن
رجب .. والراجل ده يطلع مين ؟!!
اسماء .. دا الحج صلاح معروف زوج ثريا اللي مات غدر
رجب.. ثريا اللي هي المفروض اختك؟!