امشي ؟؟ لأني بجد مبقتش طايقة اعيش وسط العالم ده !! ايه كمية الشر والظلم والغل والحقد اللي انتم عايشين فيها دي ؟!! كان عندك حق لما قلتلي وانت بتموت ان انت فرحان اوي انك هتسيب العالم ده وان يوم وفاتك بالنسبة لك هو يوم ميلادك الحقيقي .. انا مفهمتش ساعتها انت تقصد ايه !! لكن دلوقتي انا
فهمت معني كل كلمة قلتها .. انا اسفة بجد يا اطيب واحن قلب في البشر كلهم .. الوداع
وفجأة ياتي من خلفها ويضع يده علي كتفها برفق قائلا .. مش هتمشي قبل ما اعرف انتي مين ؟!! وليه عملتي دا كله ؟!! انا ساعدتك للنهاية من غير ما اعرفك
بس طول الوقت وانا حاسس ان في سر كبير وانك واحدة مش زينا .. انتي فعلا مختلفة عننا وانا ليه ساعدتك وكنت دايما بسمع كلامك ومقتنع بيه ؟!! انتي مين وحكايتك ايه ؟؟؟!!!
اسماء .. عايز تعرف ايه يا رجب ؟!!
رجب .. عايز اعرف الحقيقة .. عايز اعرف حكايتك ايه بالظبط ؟؟ واظن دا من حقي بعد مساعدتي ليكي
اسماء .. انا هقلك الحكاية يا رجب .. اولا انا مش اسمي اسماء
رجب .. مش اسمك اسماء ؟!! امال انتي اسمك ايه ؟!!
اسماء .. انا اسمي دبسيس من بنات الجن المؤمن
رجب .. دبسيس !! ومن بنات الجن ؟!!
اسماء تهز رأسها بنعم