متولي .. ايه هي ؟!!
المشعوذ .. خليها في وقتها بعد ما تخلص اتصل بيا … وانا اقلك ايه هي
متولي .. وانا خدامك .. استأذنك عشان اشوف هعمل ايه مع الكلاب دول
المشعوذ .. روح يا متولي وشوف منين هتكون بدايتك … وبعد انصرافة يكمل ويقول .. ومتنساش تكتب بإيدك نهايتك..
باقي فصلين من الرواية وهنكشف الغموض .. شجعوني عشان اخلصها انهاردة .. تحياتي الكاتب المصري محمد مالك
يخرج متولي مسرعا من عند المشعوذ وكل همه تنفيذ ما طلبه منه حتي يضمن الا يموت غدرا كما اخبره وان يحصل علي الكنز الذي طالما حلم به ثم يجمع مجموعة من اقوي رجالة ويذهب في منتصف الليل الي منزل ثريا ويندهش عندما يجد الباب مفتوح برغم وجود مجموعة كبيرة من الترابيس ثم يدخل مباشرة
الي حجرة نومها فيجدها ما زالت مستيقظة حالتها مزرية تبدوا وكأنها مجنونة .. وجهها شاحب اللون وعيناها ذابلتين ودامعتين ثم تنظر فتجدهم فتضحك بطريقة هيسترية
ثريا .. انت فين انا مستنياك من بدري يا متولي ؟!!
متولي .. انتي كنتي عارفة اني جاي ؟!!
ثريا .. اها .. عشان كدا سيبتلك الباب مفتوح .. عرفة انك لازم هتيجي عشان تنتقم مني