والسؤال الان هل ستقع ثريا في الفخ ؟؟ واين اختفت اسماء ؟؟ وما الذي منع الرجال الذي احضرهم متولي من اغتصابها ؟؟ هل هي فعلا في حماية الجان ام ما هي حقيقة الامر ؟؟
كل تلك الاسئلة سنجيب عنها بالبارت القادم .. تابعوني
ثريا متعجبة .. ايه الحكاية بالظبط يا متولي !! قلي مخبي عني ايه ؟!!
متولي .. وهخبي عنك ايه يعني ؟!! انتي عارفاني .. طول عمري كتاب مفتوح ومعاكي انتي بالذات
ثريا .. انت طول عمرك غامض وكهين ومية من تحت تبن ومحدش يقدر يعرف انت بتفكر في ايه ولا ناوي علي ايه بالظبط ! لكن انا الوحيدة اللي فاقساك وقدامي بتبقي دايما مفضوح وخصوصا لما بتبقي وراك ان .. بتبقي مكشوف اوي قصادي .. زي الحالة اللي انت فيها دلوقتي !!
متولي .. طول عمرك فاهماني غلط ونيتك وحشة من ناحيتي يا ثريا
ثريا .. لخص يا متولي وهات من الآخر .. انت جايبني في المكان دا ليه ؟!!
متولي .. ايه !! مش عاجبك الجو الشاعري اللي انا جايبك فيه دلوقتي ؟!! دا حتي القعدة هنا بالشئ الفلاني
ثريا .. وجايبني ليه يا اخويا في مكان شاعري !! نكنش بنحب بعض ولا فيه بينا استلطاف وانا مش عرفة ؟!!