ادهم: يلا علشان عندنا مشوار تاني… وخلي العربيه هنا يومين بس اخلص شويه شغل و اعلمك السواقه ونيجي نجيبها
آيه بفرحه: رايحين فين تاني
ادهم ابتسملها ومسك ايدها
: تعالي
ايهاب قاعد علي الكرسي وهو بيشرب ويدخن بكل مزاج و مستني حور الي بعت السواق يجيبها… برا جميله ابتسمت وهي بتظبط نفسها قدام باب اوضة ايهاب
لسه هتدخل بس جاه تليفون جميله بضيق
: ايوه
: حور هانم يا جيه
جميله: يعنى اي جايه المفروض ان هي تبات هناك
فتحيه: معرفش يا هانم بس انا عملت زي ما قلتلي
جميله: تمام تمام اقفلي
… جميله نفخت بضيق بس برضو مش هتسيب الي عملته كلو يضيع علي الفاضي… اول مسمعت صوت حور علي السلم اتكلمت بصوت عالي
: ايهاب ايهاب بيه ميصحش مراتك زمانها جايه… يوووه بقا يا سي ايهاب
حور كانت طالعه وهي مبتسمه جوها لان شاكه ومتاكده ان كل دا خطا… جميله وهي نازله قبلت حور الي ابتسمتلها بسخريه وطلعت
جميله ضربت الارض برجلها بغضب
: كشفتني بنت لاي
حور دخلت الاوضه وبصت لايهاب الي واقف قدام المرايه رما الولاعه علي التسريحه بعد ما ولع السيجاره
حور: ممكن تقولي الخدامه كانت بتعمل اي هنا يا سي ايهاب