(أسد حامد الشرقاوى، ٣٠ سنه، رجل أعمال، عيون زرق وشعر بني جسم رياضي وعضلات ضخمه، نسو*نجي عنده برود أعصاب يخلي الواحد يجن، بس عنده عيلته أهم من كل حاجة وسعادتها في المقام الأول)
(زين حامد الشرقاوي، أخو أسد أصغر منه بسنتين عنده ٢٨ سنه، عيون زرق وشعر أسود، رجل أعمال برده، جسم رياضي، بيحب أخوه وعايز يرجعه للطريق الصح وبيحاول)
***********************
كل إجراءات الجواز خلصت والورق اتبعت لأسد علشان يوقع عليه ونسمه مشت من بيت أهلها وراحت مع جد أسد
الشرقاوى……نسمه انا عارف إنك مجبوره على الجوازه دي وأنا مش هسالك ولا هقلك ليه بس عايزك تعرفي إنك عزيزه عليا زيك زي أسد وزين وحتى سلمي
نسمه بهدوء….. لو كنت عزيزه عليك زي ماتقول حضرتك كدا كنت وقفت الجوازه دي ومنعتها انت حضرتك تقبل ان سلمي يحصل فيها كدا اكيد لا فا من بعد اذن حضرتك كدا بلاش تقول كلام مش هيتصدق ولا في حد هيحاول يصدقه لانه الغريب عمره ما هيكون زي القريب ورجعت بصت تاني للنافذه وتركت الأذن لدموعها أنها تنزل
الشرقاوي في سره….. ومين قالك إنك غريبه
وصل الشرقاوى ونسمه على القصر ودخلوا ليجدوا زين يستقبلهم
الشرقاوى….. آمال أسد فين
زين بتوتر…… أصل أصل أصله في الشركة
الشرقاوي……. في الشركة اممم هشوف الموضوع دا بعدين، نسمه أسد مش موجود بس لو عايزه تشوفيه
نسمه بمقاطعه….. لا مش عايزه اشوفه ويا ريت لو مشفهوش طول حياتي وهيكون أفضل لو فضلنا في غرف منفصله وأظن مفيش داعي اننا نمثل اننا زي اي زوجين لان جوازنا دا على ورق شرقاوي باشا أرجوك دا طلب حطني في أوضه منفصله أرجوك
الشرقاوي حس ان نسمه تعبانه ومحتاجه وقت علشان تتأقلم على حياتها الجديدة دي فوافق على طلبها
طلعت نسمه لغرفتها وقفلت الباب عليه وهنا انهارت وفضلت تعيط وتتطلب من ربنا الصبر وانه يمدها بالقوه، قامت ودخلت اتوضت وصلت وقعدت تتدعي ربها.
وصل أسد للقصر وكان طالع بس صوت الشرقاوي منعه
الشرقاوي…… أظن أن حضرتك المفروض تبطل اللي بتعمله دا
أسد….. حاضر يا جدي هبطل بس والنبي خلي الموضوع دا نتكلم فيه الصبح لأني بجد تعبان دلوقتي تصبح على خير وتركه وذهب
الشرقاوي…… هيجي يوم وهتندم يا أسد
دخل أسد جناحه وكان متوقع وجود نسمه فيه بس انصدم لما ملقاش ليها أي أثر فطلع وكان نازل تحت بس وقف لما شاف ان أوضة الضيوف فيها نور بسيط
فراح ليها ودخل الأوضة من غير ما يستأذن
دخل ليجد تلك الملاك نائمه على الاريكة ودموعها لا تفارق وجهها وبسبب كثرة الدموع غلبها النعاس لتهرب من هذا الواقع وتنام وكان ضوء القمر هو الذي كان ذلك الضوء البسيط ليري أسد نسمه تحت ضوء القمر مثل الملاك البرئ نائم
أسد راح ليها
أسد باستغراب…… مين دي
الشرقاوى من خلفه……. مراتك يا أسد
أسد بصدمة…… مراتي هي دي مراتي
الشرقاوي…… ايوه هي دي مراتك
أسد….. وإيه اللي جابها هنا مش المفروض تكون في جناحي
الشرقاوي……هي اللي طلبت تفضل في اوضة منفصله عنك
أسد بغضب…… وحضرتك وفقت
الشرقاوي…… ايوه وافقت وخلي بالك نسمه غلاوتها عندي زي غلاوتك بالظبط لو جربت تز*علها ساعتها قابل مني وتركه وذهب
أسد بص على نسمه اللي كانت غارقه في نومها
أسد………انا ايه اللي بيجرالي انا ليه عصبت لما عرفت اننا هنفضل في غرف منفصله مانا كدا كدا مكنتش موافق على الجوازه دي يا ترا ايه اللي بيحصل