فؤاد………. انجي تقدري تحكي ليا أنا أقدر أسمعك
انجي سحبت ايدها من ايد فؤاد
انجي بهدوء…….. مفيش حاجة علشان احكيها يا مستر فؤاد عن اذن حضرتك
فؤاد……. انجي
انجي……….. ايوه
فؤاد……… اقعدي أنا عايز اتكلم معاكي شويه
انجي…….. آسفه بس غلط إني اتكلم معاك واني اقعد معاك كدا عن اذن حضرتك وتركته ومشت
فؤاد……… لا البنت دي فيها حاجة وأنا لازم اعرف
سلمي كانت شيفاهم ومقدرتش تمسك نفسها وتمسك ومشاعرها اكتر من كدا وفراحت لفؤاد
سلمي بغضب………. فؤاد ايه علاقتك بانجي
فؤاد باستغراب…… علاقه علاقه ايه دي
سلمي بغضب……. فؤاد متستعــ…ـبطش عليا ايه اللي بيربطك بانجي
فؤاد بغضب……. سلمي الزمي حدودك وحتى لو في علاقه بيني وبين انجي انتي دخلك ايه عايز افهم
سلمي بغضب…… دخلي إني بحبك
فؤاد بصدمة…….. بتحبيني
سلمي……… ايوه بحبك انت ايه معقول مش حاسس بمشاعري خالص الكل عرف بمشاعري تجاهك إلا أنت بحسك تتهر*ب من مشاعري دي ليه هاااا ليه فؤاد أنا بحبك وبقولها ليك وش لوش أنا بحبك
فؤاد…………….
يتبع…
فؤاد بهدوء…….. بصلي يا سلمى أنا بحبك
سلمي بفرحة……. بجد
فؤاد بنفس الهدوء……. زي نسمه أنا بحبك زي نسمه أختي انتي بالنسبه ليا أختي التانيه وأي مشاعر من ناحيتي ليكي هي مشاعر الأخوة مش أكتر أنا معرفش امتى حسستك إني بحبك أو بينت ليكي كدا أنا بعاملك زي ما بعامل نسمه بالظبط معرفش الزاي خليتك تحسي بكدا أنا آسف بجد
سلمي بدموع………………أنت أنت
فؤاد بهدوء……. سلمي اسمعيني كويس الحب مش بأيد اي حد مننا، احنا مبنعرفش امتى حبينا ولا امتى الحب دخل حياتنا وأنا عارف الحقيقة دي لأني مريت بنفس التجربه قبل كدا، صدقيني أنا وأنتي مش لبعض اكيد هتلاقي الشخص الصح اللي يقدر يقدم ليكي الحب والاحترام صدقيني كلنا بنحب وكلنا بننجر*ح من الحب وكلنا بنلاقي اللي يداوي جر*ح الحب
سلمي كانت بتسمعه عيونها مليانه دموع وهي مش عارفه توقفهم
سلمي بدموع……………طب ليه محبتنيش زي ما حبيتك أنا فيا ايه ناقص علشان تحبني
فؤاد بهدوء……. سلمي الحب مش بالشكل أبدا الحب هو راحة إحساس بيجيلك لما تلاقى حبيبك قدامك عيونك الحب إحساس بياخدك لعالم تاني غير العالم دا الحب هو إحساس بيغير حياتك بيخليك تنسى أي ماضي وتفكر في المستقبل والحاضر سلمي أنا مفيش اى إحساس من الاحاسيس دي حستها معاكي لأنك اختي يا سلمى
سلمي بدموع…….. ومين الشخص اللي أنت بتحبه يا فؤاد انجي مش كدا
فؤاد بهدوء……. ايوه يا سلمى أنا بحب انجي لو سماعك للكلام دا هيخليكي تعرفي ان أنا وانتي مش لبعض فا ايوه أنا بحب انجي
سلمي سابت فؤاد وطلعت تجري على اوضتها
فؤاد بص عليها بحزن
فؤاد بحزن………… صدقيني يا سلمى كدا احسن لينا أنا مش بحبك ولا هقدر أحبك بدعي ربنا إنك تكون بخير وإنك تلاقي الشخص اللي يستحق حبك بجد ورجع بص للبحر وافتكر لما قال إنه بيحب انجي