انجي بترحيب…… اهلا مستر جاسر اهلا مستر أسد وبصت لفؤاد بغيظ وقالت اهلا مستز فؤاد
الشرقاوي….. اهلا يا بنتي أخبار الشغل ايه
انجي بابتسامه…… كله تمام يا باشا اتفضل حضرتك غرفكم جاهزه محسن هيعرف كل واحد غرفته فين لاني حالا راحة الموقع
الشرقاوي…….. تمام يا بنتي ربنا معاكي وفؤاد هيكون معاكي
انجي في سرها……… مانا راحة الموقع علشان مافضلش شايفه خلقته يقوم يجي معايا ليه هو حق ناس بتخلصه ناس تانيه ياااا رب صبرني
ابتسمت انجي ابتسامة مضحكة من كتر الغيظ
انجي…….اللي تشوفه حضرتك
الشرقاوي……. فؤاد روح معاها
فؤاد…….. تمام يا جدي وراح فؤاد وانجي تحت نظرات سلمي الحا*رقه من كتر الغيظ والغيره
الكل طلع على غرفهم وارتاحوا لان السفر كان متعب
عند انجي وفؤاد
وصلوا للموقع
فؤاد كان واقف مع المهندسين اللي هناك وبيديهم تعليمات وانجي كانت بتشوف ورق المشروع وايه اللي ناقصه وايه اللي ناقص توقيع فيه وكانت مندمجه في شغلها
_حاسب لتوقعها، حاسب حااااااااسب
مجموعة الأنابيب الضخمة بتتشال بس حصل غلط و وقعت وكان مكان الوقعه قريب من انجي بس فؤاد لحقها وانقذها
انجي كانت مصدومه من اللي حصل وكانت ماسكة في هدوم فؤاد
فؤاد بيحاول يهديها
فؤاد……… خلاص يا انجي حصل خير اهدي اهدي
انجي بدموع………. كانت كانت
فؤاد……… محصلش حاجة انتي كنتي بعيده عنها خلاص حصل خير اهدي بقى
انجي هدأت وبعدت عن فؤاد فؤاد حب يخفف عنها