فلاش باك لما والد لطف راح ل محمد
محمد : بص يا عمري زي ما دخلنا بالمعروف نخرج بالمعروف بنتك مبتخلفش غير بنات وانا فضلت ساكت وكاتم في نفسي اول خلفة ليا تبقى اتنين بنات وسكت لكن تاني خلفة يبقى كمان توأم بنات كدا كتير اوي يعني وانا مش قادر على كمية البنات دي انا عايز واد يرفع راسي
والد لطف : يعني انت شايف يا ابني أن كدا خلاص
محمد : اه يعمي والبنات هبعتلهم ١٠٠٠ جنيه كل شهر مصروفات ليهم لغاية ما تبقى تولد ومش عايز اشوف البنات خالص يعمي
والد لطف : ماشي يا ابني
والد لطف خد البنات ومشى
باك
مامت لطف : شوف عريس للبت لطف اول ما العدة تخلص نجوزها لحسن كلام الناس هيكتر يخويا
والد لطف : بنتنا معملتش حاجة يا حاجة
مامت لطف : يخويا انت حر هي سمعتك انت
لطف كانت سامعة كل دا وهي مقهورة باباها خبط ودخل حط البنتين على السرير اللي قصاد سرير لكل وحطلهم مخدات علشان ميقعوش وطبطب على لطف وخرج
لطف عدت فترة من حياتها كانت اتحسنت نفسيا شوية هي صحيح شهر بس لطف كانت احسن كتير في اليوم دا لطف كانت راحة للدكتور ومعاها والدها
الدكتور : ازيك يا مدام لطف
لطف بضحكة : حمدالله يا دكتور
الدكتور : واضح كدا أن الولاد زي الفل اهم
لطف قامت قعدت بصدمة وبصت للدكتور
الدكتور : ولدين يا مدام لطف مش بنتين انا واضح اني غلطت ربنا يباركلك فيهم يا رب ويتمملك بخير
لطف بصت ل باباها بصدمة اللي هو كمان الصدمة الجمت لسانها ومكنش قادر يتكلم
لطف حامل ف ولدين..!