محمد زق ايديها وخد الولد وخرج برا راح سجله بأسم سليم
عدا اليوم ولطف تتخرج من المستشفى النهاردة
اول ما وصلت البيت اتفاجأت أن البيت زي الزريبة حرفيا وكله قرف وازايز بي*رة ( حسبي الله ونعم الوكيل في صانع هذه الأشياء)
لطف : يا نهار اسود اي دا
محمد : دا بيتي واعملي اللي يعجبني
لطف : وجبت ستات ولا لا
محمد مسك لطف من شعرها وزعق
محمد : ميخصوكيش انا اعمل اللي يريحني فاهمة ولا …
لطف كانت بتعيط اوي والنونو عمال يصرخ
محمد زق لطف بسرعة وشال النونو من على الكنبة وحضنه وباس دماغه وقعد يهز فيه وحده ونزل الشارع يتباهى قدام أصحابه والقهوة والناس أنه جاب راجل ولطف بتبص للهم اللي رجعتله التنضيف والإهانة تعبت من كل دا جابت آخرها خلاص
بدأت لطف تلم كل الازايز والورق وتنضف وتفتح الشبابيك تهوي رائحة السجاير
لطف خلصت تنضيف بليل ومعدتش قادرة وطول ما هيي بننضف بتفكر في حاجة واحدة
محمد اتاخر كل دا زمان الولد هيموت من الجوع