هي مبتحبش اختها ازاي هتحبني أنا …واخيرا عرفت سبب كرهها ليا …وعارفة أن الكره ده مش هيختفي وهبقي أنا الضـحية …حسام مستحيل يخسر والدته عشاني عشان كده قررت ارفضه…
رغم أن القرار ده كـسر قلبي بس مكنتش هقدر اتحمل اتهان اكتر من كده ….
..
وقف حسن قدام مروة اللي بتترعش وتبكي وقال:
-كنت دايما بشوف معاملتك الوحشة لبنتي واسكت…صحيح كنتي بتعرفي تخبي حقـدك عليها كويس بس انا كنت بحس بنظرات بنتي الحزينة والمكـسورة وكنت بقول معلش بكره تعقلي وتعتبريها بنتك …لكن اللي عملتيه دلوقتي ده مش هقدر اسامح فيه ابدا يا مروة ..
-حسن ابوس ايديك اسمعني أنا …
-اسكتي…اسكتي …ذنبها ايه بنتي …ذ.نبها ايه عشان تعامليها بالطريقة دي …دي بنت يتيمة حـrام عليكي مفروض تراعيها وتحتضنيها مش تجرحي فيها عشان حاجة حصلت من سنين طويلة
بتعا.قبي بنتي لاني محبتكيش وحبيت اختك …وكان عندي حق احبها لأنها مش بالحقـ.د بتاعك …لأنها كانت نقية ….
-هي مين دي اللي نقية …مين دي اللي طيبة ومش حقو.دة …دي سر.قتك مني …كانت عارفة اني بحبك وارتبطت بيك واتجوزتك…حر.قت قلبي ..أنا بكر.هها…وعمري ما هسامحها وبكر.ه بنتك كمان و….
-مروة !!
صرخ حسن ورفع ايده عشان يضر.بها بس وقف علي اخر لحظة وهو بيستغفر ربنا وقال :
-احنا طريقنا مسدود مع بعض …لازم نتطلق…
-عمي!!!
قالها حسام بصدمة وكان باين أنه سمع كل الكلام اللي دار …بص لامه وهو مجر.وح منها…
رفع حسن رأسه وقال:
-خد امك معاك يا حسام وبالنسبة لطلب تتجوز بنتي فللأسف مرفوض ..معنديش بنات للجواز !
-كمل اكل يا حبيبي .
قالتها مروة بحزن وهي شايفة ابنها يدوب اكل كان لقمة وقام ابتسم حسام ببهوت وقال :
-شبعت يا امي شكرا …